Vaj i mëlçisë së merlucit apo Omega-3: cili është ndryshimi?

Në farmaci kjo është ndër pyetjet që dëgjojmë më shpesh: "A është vaji i mëlçisë së merlucit e njëjta gjë me Omega-3?" Përgjigja e shkurtër është jo. Të dy janë vajra deti dhe të dy japin acidet yndyrore Omega-3, por përbërja e tyre ndryshon — prandaj pyetja e duhur s'është "cili është më i mirë", por "cili më përshtatet mua".

Çka janë EPA dhe DHA?

Omega-3 janë një familje acidesh yndyrore që trupi s'i prodhon dot vetë në sasi të mjaftueshme. Dy më të njohurat, që vijnë kryesisht nga peshku, janë:

• EPA (acidi eikozapentaenoik)
• DHA (acidi dokozaheksaenoik)

EPA dhe DHA kontribuojnë në funksionimin normal të zemrës, kur merren të paktën 250 mg në ditë. DHA kontribuon edhe në ruajtjen e funksionit normal të trurit dhe të shikimit, po ashtu me 250 mg DHA në ditë.

Prandaj, kur krahason dy produkte, mos shiko vetëm sa miligram "vaj peshku" ka — shiko sa EPA dhe DHA jep doza ditore e shkruar në etiketë.

Vaji i mëlçisë së merlucit: Omega-3 bashkë me vitaminat A dhe D

Siç e thotë edhe emri, ky vaj merret nga mëlçia e merlucit. Ai jep EPA dhe DHA, por ajo që e dallon është se përmban natyrshëm vitaminat A dhe D:

• Vitamina A kontribuon në ruajtjen e shikimit normal dhe në funksionimin normal të sistemit imunitar.
• Vitamina D kontribuon në funksionimin normal të sistemit imunitar dhe në ruajtjen e kockave normale.

Vajrat e lëngshëm Lýsi kanë edhe vitaminë E, e cila kontribuon në mbrojtjen e qelizave nga stresi oksidativ.

Vaji i peshkut Omega-3: fokus te EPA dhe DHA

Produktet "Omega-3" bëhen kryesisht për të dhënë sa më shumë EPA dhe DHA. Përqendrimi ndryshon shumë nga një produkt te tjetri — disa kanë doza të larta, disa më të ulëta — dhe zakonisht s'kanë vitaminat A dhe D të vajit të mëlçisë.

Krahasimi i shpejtë

• Të dyja japin EPA dhe DHA.
• Vaji i mëlçisë së merlucit shton vitaminat A dhe D — një "paketë" e plotë për ditët me pak diell.
• Vaji i peshkut Omega-3 zgjidhet kur të intereson kryesisht sasia e EPA dhe DHA.
• Të dyja gjenden si lëng ose si kapsula.

Si ta zgjedhësh?

1. Çka po kërkon? Nëse të intereson Omega-3 bashkë me vitaminat A dhe D, vaji i mëlçisë së merlucit është zgjedhja e natyrshme. Nëse kërkon vetëm EPA dhe DHA në sasi të caktuar, shiko një produkt Omega-3.
2. Lexo etiketën: sa EPA + DHA jep doza ditore, dhe sa vitaminë A e D.
3. Forma: lëngu merret me lugë dhe ka shije të ndryshme; kapsulat janë më praktike për punë apo udhëtim.
4. Shija: vaji Lýsi i lëngshëm vjen me shije natyrale, limon, limon e mentë dhe mango — kjo e fundit pëlqehet shumë nga fëmijët.

Pse ka rëndësi cilësia e vajit?

Te vajrat e detit nuk mjafton ajo që shkruan në pjesën e përparme të kutisë. Ka rëndësi nga vjen peshku, si përpunohet vaji dhe si kontrollohet cilësia.

Lýsi prodhon vajra deti në Reykjavík të Islandës që nga viti 1938, dhe sot është prodhuesi dhe eksportuesi më i madh i vajit të mëlçisë së merlucit në Islandë. Fabrika punon me standardet ndërkombëtare të cilësisë GMP dhe FSSC 22000.

Pyetje të shpeshta

A ka Omega-3 vaji i mëlçisë së merlucit?

Po. Jep EPA dhe DHA, dhe përveç tyre vitaminat A dhe D.

Cili është më i mirë?

Asnjëri s'është "më i mirë" — kanë përbërje të ndryshme. Zgjedhja varet nga ajo që të duhet ty.

Lëng apo kapsula?

Është çështje shijeje dhe komoditeti. Rëndësi ka të ndjekësh dozën ditore të shkruar në paketim.

Suplementet ushqimore nuk zëvendësojnë një ushqyerje të larmishme dhe një mënyrë jetese të shëndetshme. Mos e tejkalo dozën ditore të rekomanduar. Nëse merr edhe suplemente të tjera me vitaminë A ose D, pyet farmacistin.