Omega-3 për fëmijë: çka duhet të dinë prindërit

Çdo prind dëshiron që fëmija të rritet i shëndetshëm, i qetë dhe me energji për lojë e për shkollë. Ushqyerja ka rol kryesor në këtë, dhe Omega-3 janë ndër lëndët ushqyese që fëmijët shpesh i marrin më pak nga ç'duhet — sidomos kur peshku nuk është ushqimi i tyre i preferuar.

Çka janë Omega-3?

Omega-3 janë yndyrna të shëndetshme që trupi nuk i prodhon dot vetë në sasi të mjaftueshme, prandaj duhet t'i marrë nga ushqimi. Dy më të rëndësishmet janë EPA dhe DHA, që gjenden kryesisht te peshku i yndyrshëm dhe te vajrat e peshkut.

Pse DHA ka rëndësi?

DHA është ndër yndyrnat kryesore që ndërtojnë trurin dhe retinën e syrit. Te të rriturit, DHA kontribuon në ruajtjen e funksionit normal të trurit dhe të shikimit (me 250 mg DHA në ditë). Gjatë fëmijërisë truri dhe sytë zhvillohen me shpejtësi të madhe — prandaj shumë prindër kujdesen që fëmija të marrë mjaftueshëm Omega-3 çdo ditë.

Nga i marrin fëmijët?

Mënyra më e mirë mbetet ushqimi: peshk i yndyrshëm një deri dy herë në javë (salmon, sardele, skumbri). Por shumë fëmijë s'e hanë peshkun, ose e hanë rrallë. Në këto raste, një suplement i bërë posaçërisht për fëmijë është ndihmë praktike.

Cilën formë të zgjedhësh?

• Kapsula përtypëse me shije frutash — për fëmijët që s'duan lugë: e përtypin si karamele. Lýsi Omega-3 Përtypëse ka shije frutash.
• Vaj i mëlçisë së merlucit me shije mango — merret me lugë, dhe përveç Omega-3 ka natyrshëm vitaminat A dhe D. Vitamina D nevojitet për rritjen dhe zhvillimin normal të kockave te fëmijët; vitamina A kontribuon në shikimin normal dhe në funksionimin normal të sistemit imunitar.

Disa këshilla nga farmacistët

1. Jepjani me ushqim — merret më mirë dhe nuk lë shije.
2. Ndiqni dozën sipas moshës që shkruan në paketim; më shumë nuk do të thotë më mirë.
3. Kujdes me vitaminën D dhe A: nëse fëmija merr tashmë pika me vitaminë D ose multivitamina, pyetni pediatrin ose farmacistin para se t'i shtoni vajin e mëlçisë.
4. Ruajeni vajin e hapur në frigorifer dhe përdoreni brenda afatit të shkruar në shishe.

Pse Lýsi?

Lýsi prodhon vajra deti në Islandë që nga viti 1938, nga peshku i ujërave të ftohta të Atlantikut të Veriut, me standardet ndërkombëtare të cilësisë GMP dhe FSSC 22000. Shijet e bëra për fëmijë — fruta dhe mango — e bëjnë rutinën e përditshme më të lehtë për të gjithë familjen.

Suplementet ushqimore nuk zëvendësojnë një ushqyerje të larmishme dhe një mënyrë jetese të shëndetshme. Mbajini larg mundësisë së fëmijëve të vegjël dhe mos e tejkaloni dozën ditore të rekomanduar.